Cristiano Ronaldo ayaa dhawaan dhaliyay goolkiisii 900-aad ee xirfadiisa ciyaareed, taasoo ah taariikh weyn oo ka dhigaysa mid ka mid ah ciyaartoyda ugu caansan taariikhda kubbadda cagta.
Goolkani wuxuu ka yimid ciyaar Nations League ah oo Portugal ay 2-1 kaga badisay Croatia. Ronaldo, oo hadda 39 jir ah, ayaa sidoo kale dhaliyay goolkiisii 131-aad ee caalamiga ah isagoo ciyaaray 213 kulan.
Ronaldo, oo ku ciyaara kooxda Al-Nassr ee Suudaan, wuxuu sii wadaa inuu dhiirrigeliyo ciyaartoyda kubbadda cagta, isagoo ka mid ah hogaamiyeyaasha ciyaaraha.
Harry Kane, gooldhaliyaha ugu sareeya ee xulka England iyo kabtankooda, ayaa sheegay inuu doonayo inuu ku daydo Ronaldo oo ah halyeeyga kubbadda cagta.
Kane ayaa xusay inuu xiiseynayo inuu gaaro heerka Ronaldo iyo ciyaartoyda kale ee caanka ah sida Karim Benzema iyo Lionel Messi.
Kane, oo hadda u ciyaara Bayern Munich kadib markii uu ka tagay Tottenham Hotspur, ayaa cajiib ku noqday xilli ciyaareedkiisa ugu horeeyay ee Bundesliga.
Wuxuu noqday gooldhaliyaha ugu sareeya Bundesliga isagoo dhaliyay 36 gool, waxaana uu ku qaatay Kabta Dahabka ee Yurub. Intii uu joogay Tottenham, Kane wuxuu ku guuleystay seddex kabta dahabka ah ee Premier League.
Kane ayaa hadda ka mid ah ciyaartoyda u tartamaya Ballon d’Or 2024, isagoo tartamaya xiddigo kale oo ay ka mid yihiin Jude Bellingham, Vinicius Jr., iyo Kylian Mbappe.
Tani waxay muujineysaa heerka sare ee uu Kane ku jiro isla markaana uu ka mid yahay ciyaartoyda ugu waaweyn ee kubbadda cagta caalamka.